方力申女兒百日宴萌爆出場
歌手方力申（小方）入行26年上周首踏紅館，太太Maple更抱着5個月大的B女方愛嘉（Isla）連撐兩場，一家三口幸福到暈。原來方力申之前準備個唱的同時，仍不忘為愛女大搞百日宴。小方昨日（21日）在社交平台晒出當日宴會片段，片中見到多位親友獲邀出席露天Party，更有大型吹氣布置、小食攤位、打卡位等，身穿粉紅色裙仔，頭戴粉紅色蝴蝶結的Isla和小方餅印一樣，萌到爆！
小方留言指，「喺之前準備演唱會嘅同時，亦都經過Isla三個月大的時候，所以我特別為佢搞咗個百日宴，有番少少儀式感，過咗個幸福滿滿的大半天。」溫馨慈父感受完全滲晒出嚟，網友都為小方一家送上無限祝福。
