茶記鬼畫符餐牌爆紅 網民齊齊玩估字遊戲
灣仔會展一間茶餐廳近日因一張手寫餐牌太過出位忽然爆紅！事緣有食客在Threads發帖並上載該處的手寫餐牌相，每隻字似乎均以一筆過完成，驟眼看就像「鬼畫符」一樣，讓樓主不禁問「呢個係咩字體？」並形容為「介乎睇得明同睇唔明之間」，引發網民的好奇心，齊齊玩估字遊戲。
相片顯示餐牌每隻字似乎都用打圈方式寫成，筆法一氣呵成，較易認是中間「鰻魚飯」三個字，其他字則需猜度才能看懂「精選套餐：鰻魚飯，配麵豉湯+芒果糯米糍 HK$108」的全文。不少網友坦言「我只係睇得明鰻魚飯同108」、「個芒果糯米糍淨係睇到個果字」，但亦有不少人估中全文並大讚：「係藝術」、「好神奇，第一眼以為自己睇唔明，睇睇下又明」。
聯想到古天樂招牌式簽名
更搞笑是不少網民竟將字體聯想到古天樂的招牌「薯片串式簽名」，笑言屬「古天樂體」、「好似古生個簽名，只係呢個會轉彎，古生一路簽落去」；有網友更建議：「古老闆如果去簽番個名，支持一下香港飲食業就好喇」。
