Sammi16歲入行 笑言退休隨緣
「華星唱片」成立55周年舉行大型音樂企劃，透過重新製作經典作品推出黑膠唱片及深情專訪，讓樂迷重新認識「華星」的音樂歷史。專訪頭炮就是16歲參加第七屆新秀歌唱大賽，贏得銅獎的天后鄭秀文（Sammi）。
Sammi透露自己從小就立志參加新秀，「大約10歲11歲左右，我已經決定當夠16歲就要去參加新秀，其實我好細個內心已有呢個plan。踏出呢個里程碑，參加呢個比賽入咗行，係我音樂旅程一個非常重要嘅起點。」
當時年紀輕輕的Sammi表現淡定，「我依家睇番都覺得自己當時幾淡定，屋企人畀我好大嘅支持度，我爸爸嘅參與度好高，佢幫我揀歌，喺背後支持我。」勝出後，Sammi一口答應與「華星」簽8年合約：「有啲同學為咗未來諗緊點算嘅時候，我考完會考即刻有份工。」
談及退休一事，她笑言不會設時限，一切隨緣。近年她更傾向將藝術元素融入舞台，期望帶來更多藝術性高的表演，如《裸體早餐》《浮雕》。
