韋斯咸補時詐胡 阿仙奴冠軍在望
阿仙奴昨晨英超作客韋斯咸，在領先一球的情況下，尾段飽受壓力，韋斯咸補時5分鐘有哥林威爾遜在混戰中射入，但VAR顯示柏保路用手壓住客軍門將大衞拉耶，球證最終判入球無效，阿仙奴才得保勝果，只要之後聯賽全勝便可以順利捧盃。
「兵工廠」今場作客面對護級的韋斯咸，被視為失分最高風險一戰。阿仙奴下半場一直未能攻破韋斯咸大門，領隊阿迪達再次變陣，後備上陣的馬田奧迪加特83分鐘殺入禁區，橫傳予杜沙特撞射入網，終告打破悶局。韋斯咸尾段全力反擊，補時5分鐘哥林威爾遜在混戰中射入，但VAR顯示柏保路用手壓實大衞拉耶，影響其出迎，球證最終判入球無效，阿仙奴絕地逃生。現時領先踢少一場的曼城5分，只要最後兩場聯賽均全取3分，就肯定可以重奪英超冠軍。
今場補時的判決足以影響今季冠軍誰屬，阿仙奴領隊阿迪達賽後表示：「今場我至明白球證工作有幾困難，呢個可能係決定歷史嘅時刻，球證喺巨大壓力下做出勇敢決定。呢個係非常明顯嘅犯規，我都曾經質疑過VAR，但今場要稱讚VAR俾機會球證再做決定。」
