名宿論戰 梅拿撐德國班霸
拜仁與PSG的歐聯大戰，惹起雙方多位名宿熱議，當中不少德國及拜仁名宿，都公開表示相信該德國班霸，可以在今夜次回合收復前失，晉身決賽。正効力美職溫哥華白帽的前拜仁助攻王湯馬士梅拿說：「首回合係頂級水準嘅攻守轉換，PSG嘅表現畀到我深刻印象，不過我認為只要拜仁能夠保持喺巴黎咁嘅表現，再踢90分鐘，我哋嘅球隊會以一至兩球優勢勝出！」
此外，65歲的德國及拜仁名宿馬圖斯則說：「拜仁首回合最後20至25分鐘佔得主導，我認為佢哋嘅身體比PSG球員更強壯，今晚有能力逆轉勝！」至於曾經効力拜仁的前法國國腳利沙拉素，被認為最大資格談論今戰，他說：「兩隊首回合進攻令人目不暇給，我覺得次回合要睇邊隊可以率先做到更攻守平衡，依家兩隊嘅出線機會都係五五波！」至於在1982至1991年為PSG上陣近300場，現年71歲的前波斯尼亞國家隊教頭蘇錫則說：「我好欣賞安歷基帶領嘅PSG，相信今場作客會入到波！或者主場嘅拜仁有機會贏，但我唔相信會贏多過一球，我感覺對於拜仁最好嘅結果，就係加時！」
