曼聯贏紅軍 落實重返歐聯
英超昨晨上演雙紅會，「紅魔鬼」曼聯主場3:2力克「紅軍」利物浦，在聯賽榜35戰得64分，拋離第6位般尼茅夫多達12分，餘下3輪聯賽已提前鎖定下屆參戰歐聯資格。今仗曼聯前功勳主帥費格遜入場睇波，不料賽前突然因身體不適送院檢查，幸而84歲的他證實並無大礙，領隊卡域克賽後將勝利獻給費爵爺。
曼聯今仗在開賽14分鐘內，已憑馬菲奧斯根夏及班捷文施斯高各建一功以2:0領先，不過換邊後防線卻連環犯錯，被利物浦蘇保斯拉爾及加普各入一球，一度追和2:2。不過剛與曼聯續約的明奈在77分鐘於禁區頂美妙撞射破網，曼聯終贏3:2。據報曼聯若然獲得下屆歐聯資格，卡域克將會正式坐正，這位暫代主帥賽後說：「我上任時距離歐聯好遠，依家可以提前3輪完成任務，係一個偉大成就！至於費爵爺？我未有最新情況，希望我哋贏波嘅消息，可以為佢帶嚟鼓舞啦！」
