領軍主場首敗卡域克怨球證
英超昨晨上演「玫瑰打吡」，久疏戰陣的曼聯主場意外地以1:2不敵列斯聯，是看守領隊卡域克上任以來，首次在主場輸波！也是曼聯45年來首次在主場負列斯聯。
列斯聯上半場把握曼聯未入局，諾亞奧卡科於5及29分鐘已連入兩球，協助客軍在奧脫福以2:0領先半場。易邊後比賽至56分鐘出現爭議紅牌，曼聯中堅利辛度馬天尼斯與列斯聯箭頭卡維特利雲，在中圈爭波時互有動作，前者拉扯到對手頭髮，經過VAR介入後判定為「暴力行為」，被球證直紅逐離場。曼聯踢少個仍奮力反撲，但最終只靠卡斯米路在68分鐘頭槌建功，追近比數，但未能平反敗局。
曼聯隊長般奴費南迪斯賽後對球證判決感到不滿：「球例演繹每次都唔同，但我唔可以再談論球證，再講就會有大麻煩！」卡域克賽後亦表示：「利辛度馬天尼斯嘅紅牌令人驚訝，我哋已經連續兩場遇上不利判決，呢一次更加係史上其中一次最差嘅決定。」
