梁朝偉宣傳新戲 談從影幸福時光
選《花樣年華》為人生代表作
國際級影帝梁朝偉（偉仔）首部主演的歐洲電影《寂靜的朋友》（Silent Friend），昨日（7日）正式在香港首映，4月15日則於韓國上映。梁朝偉日前到韓國展開3日宣傳，接受不同媒體訪問；期間他講到自己最幸福的電影時光，就是跟王家衛導演合作的20年，偉仔更談及演藝生涯上最後一部電影時想演出什麼角色。
電影《寂靜的朋友》是關於人類與大自然的故事，而偉仔亦為該角色準備良久︰「最重要係要令自己相信，自己係腦神經科學家，你真係要去讀那些書本，去搵真正的科學家去交流，而過程中就慢慢投入咗角色當中。」主持人問到如果是山和海，又會比較喜歡哪一樣？梁朝偉︰「呢個好難答，我鍾意水上運動，又鍾意滑雪，冬天我鍾意山多啲，夏天就鍾意海。」
入行至今逾40年的梁朝偉，要他選一個感到最幸福，最開心的時刻，偉仔坦言每個階段都有不同的幸福，但要數最幸福就早有定案︰「是跟王家衛導演合作的20年，因為佢同我嘅想法好相似，嗰段時間係切實畀我磨練出自己想得到嘅演技。」連帶要選自己的「人生代表作」，都是王家衛執導的《花樣年華》。「首先我憑呢部電影拎到好多獎，而電影背景的是我經歷過的年代。」
盼退休前演暖心角色
訪問最後講到偉仔年過60，可有想過自己最後一個角色會是什麼，偉仔苦思一會︰「希望喺我角色會帶到一份愛的感覺，作為最後一部電影我希望會係咁，好窩心好溫暖，人生好有意義的感覺。」
