拿玻里挫AC 干地自薦教意大利
昨晨意甲前列大戰，拿玻里主場1:0擊敗AC米蘭，壓過對手升上聯賽榜次席。雙方是役呈鬥攻局面，但同樣苦無破關之法，直至79分鐘，後備入替的拿玻里鋒將保列坦奴，把握對手解圍失誤建下奇功，助拿玻里打破悶局。
拿玻里贏波後，31戰得65分，以兩分超越AC米蘭登上次席，不過在餘下7輪聯賽仍落後榜首國際米蘭7分，衛冕之路依然困難重重，主帥干地賽後說：「贏波重返第2位係值得高興，我哋呢個球季開始得好差，原本好可能會以糟糕嘅方式結束，但依家我哋已經恢復上季奪冠嘅狀態，當然我哋喺餘下比賽仲需要繼續努力！」
干地近日傳出被正在尋找新帥的意大利國家隊相中，該名56歲教頭對此作出了正面回應：「如果我係意大利足總高層，一定會將干地呢個名放入考慮名單之內。我認為能夠帶領國家隊係一件美事，不過我同拿玻里仲有一年合約，今夏我會同有關人士詳談，即管睇吓事態點樣發展。」
