後生仔女巴士圍圈坐地 車長開咪勸阻網民讚好
國際潮流文化盛事ComplexCon上周末在亞博舉行，吸引大批Z世代青年朝聖，但有年輕男女散場後乘龍運巴士的放任行為卻引發熱議。有目擊者拍片披露他們不但插隊上車，更坐在車廂地板和樓梯口位置形成一圈阻塞通道，有人甚至飲汽水意外瀉滿一地，最終要勞煩車長開咪勸阻，眾人才無奈站起身，惹來毒言網民揶揄「無腳骨力就唔好周圍去喇」。
事發本月22日晚上，有巴士乘客在Threads發帖，公開涉事年輕男女的不當行徑，樓主坦言明白參加完ComplexCon「大家都好攰」，但由於眾人「又插隊又坐地下」，連帶「巴士司機都睇唔過眼」，開咪提示「後面啲人請勿坐地板」，各人才「死死哋氣（起）番身」。
開蓋飲汽水 失手瀉滿地
照片顯示下層車廂內有3名女生背靠行李架而坐，4名女生坐在對面輪椅停放區，一名男生則坐到往上層樓梯口，形成一圈，嚴重阻塞車廂通道。其中一名坐地女生手持罐裝汽水，樓主透露直擊她開蓋時倒瀉汽水，「漏到周圍都係」。難怪車長最終要開咪作出提示。
網民對這「出位」行徑多表不滿，高呼「奇景」，狠批「當自己屋企」、「個畫面好肉酸」，有人直言「我真係見識少，坐咁多年巴士，我都未見過有人咁樣坐喺巴士地板度」亦有網民好奇問：「咁後生就攰到企唔到？有冇咁廢？地下又污糟邋遢」。不少網友都讚司機勸阻及時，避過潛在危險，「首先剎車會碌咗出去，第二係阻住通道」「應該要寫封讚賞司機嘅信畀巴士公司」。
根據龍運巴士的乘客須知，登車後應行入車廂內部，嚴禁阻塞樓梯及閘門通道；同時嚴禁車廂內飲食、吐涎或丟棄垃圾，以保持車廂清潔。
