的士駛上行人路落客 網民轟司機危駕離譜
的士行業競爭激烈，但搵食之餘也不能罔顧行人安全！網上近日流傳一條短片，揭發有的士司機疑為落客，竟將的士駛上尖沙咀朗廷酒店外的行人路上，有途人看不過眼拍片上載罪證，並即場嘲諷「你真係好嘢到冇人有」，司機尷尬低頭向鏡頭做出疑似「耍冧」道歉的手勢，但網民顯然並不收貨，質疑司機實屬危險駕駛，鬧爆離譜並促「直接打3條9，話有車鏟上行人路」，直言「咁都唔捉就真係冇天理啦！」
樓主日前於Fb群組「車cam L（香港群組）」分享一段約27秒短片，帖文劈頭寫上「朗廷酒店有落」6個字。片中所見一輛的士停泊在朗廷酒店外的行人路，疑落完客後正關上車門，只見樓主邊拍片邊從車尾走到車頭位置，並出言暗諷司機：「嘩，你真係好嘢到冇人有」、「真係叻到冇人有呀呢個司機真係！」司機可能自知理虧，急忙低頭做出敬禮手勢再倒車離開。
帖文觸發網民的不滿，一面倒怒批司機惡行，直斥「老危（危險駕駛）」「Crazy Taxi真人版」，不少人更以反話開玩笑道「為咗個客，真係要車到去門口。呢份敬業樂業嘅精神，好值得讓人欽敬」「呢D先係服務㗎嘛」。
酒店設有落客位 網友促究責
不過有認真的網民則提到重點：「係咪傻㗎，酒店有落客位喎」；而更多網民更要求追究司機責任：「報警，有晒車牌」「為民除害1823」「畀機會佢付出代價啦」「一定要做佢」。
司機駕駛私家車駛上行人路疑觸犯香港法例第374章《道路交通條例》，嚴重者可被控危險駕駛或不小心駕駛。前者最高可處罰款2.5萬元及監禁3年；後者最高則可處罰款5,000元及監禁6個月。
