吳若希辦見面會 海報大玩「復活」
歌手吳若希（Jinny）在社交網和Fans Club官網同步上載下月12日舉行的活動宣傳海報，不過這張海報設計相當破格，見笑容滿面的Jinny化身升天中的天使，活動名更為「吳若希復活派對」，當日除可聽Jinny唱歌，齊玩遊戲及抽獎外，更會獲獨家應援物及小食等。
Jinny接受訪問時，對於海報被網民指似有詛咒之嫌，她笑謂：「因為近復活節嘛，同埋啲Fans成日話我唔返工，好懶，舊年又冇搞Fans Meeting活動，大家都好耐冇見，所以今次出番嚟見面，喺佢哋心裏面，就覺得我好似復活咁。」
她指其粉絲同樣喜感十足：「佢哋好搞笑㗎，每年都整啲古靈精怪嘢，最記得去年將我變咗條賀年肥仔魚，佢哋同我一樣咁奇怪，但又好好笑，我就係鍾意呢啲感覺，大家冇乜壓力，相處時就特別開心。」至於聚會上，預告將有獨家應援物送贈，她就話：「我未知係乜喎，因為唔係我度橋嘅，到時大家一齊嚟玩啦。」
