般奴兩度助攻 曼聯擒維拉
尾段逼和紅軍 熱刺止血
昨晨英超「爭4大戰」，曼聯於尾段發力，主場以3:1擊敗維拉。紅魔賽後累積54分，領先第4至6位的維拉、利物浦及車路士3至6分，餘下8輪比賽，只要沒有太大差池，要保住前5名難度不高，來季重返歐聯機會樂觀。
上半場雙方踢得保守未分勝負，換邊後，曼聯隊長般奴費南迪斯於53分鐘出角球，「最佳拍檔」卡斯米路接應頭槌頂遠柱笠入，為曼聯先開紀錄。維拉隨後急攻反撲，於64分鐘由老將巴克里於門前混戰中射入扳平1:1。曼聯其後加強進攻火力，先於71分鐘由馬菲奧斯根夏接應般奴的斜傳，射遠柱得手再度領先。近期狀態火熱的施斯高於75分鐘，後備入替麥比奧莫又有貢獻，於81分鐘為曼聯錦上添花射成3:1完場。
般奴費南迪斯今場交出兩個助攻，令他在加盟紅魔鬼後的助攻達到100次里程碑！同時在今季英超累積16次助攻，越超名宿碧咸，成為曼聯史上英超單季助攻王！在餘下8輪聯賽，尚有機會挑戰由亨利及奇雲迪布尼共同保持的英超單季20次助攻紀錄。般奴賽後將功勞歸於隊友：「全靠隊友把握到機會，否則無論交得幾精彩都係冇用。踢中場最開心就係幫助球隊製造入波，呢個係一大成就！」
蘇保斯拉爾呼籲球迷支持
早前有消息指曼聯打算於今夏賣走般奴套現，並實現球隊年輕化。卡域克指一切未有定案：「現階段，我唔會參與太多球隊未來計劃，我只想講唔想失去般奴，佢對曼聯非常重要！」
同日另一仗，利物浦在主場再次令人失望，即使有蘇保斯拉爾於18分鐘再施撒手鐧，直射罰球直接破網先開紀錄。不過近況低沉的熱刺下半場奮力反撲，全場多次攻門無果射手李察利臣，完場前在無人看管下近射近柱入網，追成1:1完場，為新帥杜陀取得上任後的第一分。這是紅軍今季第8次於90分鐘後失波導致失分，蘇保斯拉爾呼籲隊友覺醒及球迷支持：「我哋唔可以再咁落去，否則有得踢歐協聯已經偷笑！依家球隊處於困難時刻，我哋需要更多球迷支持！」
