賴恩雷諾士十年之約太保守
賴恩雷諾士與麥艾漢尼，入主域斯咸之後除了出錢支持球隊外，最重要是利用他們的名氣及人脈，為球隊物色贊助、推動球隊拍攝真人騷影集、創建品牌營銷，逐步提升球會財務底蘊，為衝上英超作好準備。
不過，域斯咸在他們帶領下，只花5年便到了今天的位置，並非兩位影星之前能夠預計。因為兩人在入主域斯咸的第2個球季，曾經向全體球會許下十年之約：「如果我哋唔定下目標，喺十年之內出現喺英超，咁我哋嘅努力就冇意義！我哋唔係玩金元足球，要保持球會原有嘅特色，逐步喺每方面進步，依家我只要求，每個人都努力做好今日嘅工作。」賴恩雷諾士當時已表示，為球隊嘅表現同成績，緊張到「胃潰瘍發作」。到了今季，域斯咸的進度比他們預期更快，這位「死侍」笑着說：「我哋一直喺度瘋狂冒險，如果一切都預測得到，咁就好冇趣！你唔會理解快樂同喜悅，除非你經歷過失敗同痛苦。好好彩，足球每一分鐘都可以帶畀你呢啲情緒！」
