酒店燉湯赫見爛雪梨 網民驚出事
正所謂一分錢一分貨，食客對酒店的餐飲質素普遍有較高期望。不過近日有女網民在港島一間著名酒店用餐時，卻發現燉湯內竟有大片發黑、腐爛的雪梨，引發對食安問題的關注，不少網民直指不能接受，並形容「恐怖」、「飲完都驚出事」。
樓主在Threads發帖指，當日在燉湯見有黑色食材，以為是枇杷葉之類，撥開才發現是發黑的雪梨，不禁說「個雪梨爛到咁都可以用嚟煲湯畀人飲？」她補充指當日赴朋友的聚會，但不想影響朋友心情，「我飲咗兩啖，撥開咗其他湯渣先發現個梨係腐爛，即時入咗toilet吐番出嚟」，返座位時燉湯已被收走，朋友其後已發電郵向酒店投訴，暫未獲回覆。
不少網民鬧爆離譜，「以為個客唔會留意到」、「通常唔靚 / 爛爛哋先用嚟煲湯，但呢個又太離譜」；有網民則搞笑地安慰樓主「當益生菌 」、「因為爛梨難捨」。
