拜仁新魔翼 奧利亞斯誕生
洛賓列貝利後繼有人
德甲聯賽剛過一半，班霸拜仁慕尼黑上半季展現強勢，無論首循環成績及入球，都創下聯賽62年歷史最佳成績。尤其歇冬後第一仗，主場立即貢獻8:1大炒禾夫斯堡入球騷！賽後總監艾保爾被問到，對此役合共交出3個入球同3個助攻，並策動球隊大部分攻勢的一雙翼鋒——米高奧利斯（Michael Olise）及路易斯迪亞斯（Luis Diaz）睇法時，艾保爾笑着說：「你哋問得好，我哋啱啱喺更衣室都討論緊佢兩個，我可以喺度宣布，拜仁嘅『奧利亞斯』（Oliaz）已經誕生！」
經過多年來，荷蘭右翼洛賓（Arjen Robben）與法國左翼列貝利（Franck Ribery），一直是拜仁「太上王」烏利漢尼斯最自豪的收購，是球隊多年來最引以為傲的世界級「魔翼」。兩人於2009至19年，共同為拜仁開拓一時盛世，並於2013年贏得5冠王登上頂峰！列貝利當年擊敗美斯與C朗，贏得歐洲最佳球員獎，只可惜在金球獎選舉屈居季軍，令他本人、拜仁甚至黑柴都耿耿於懷，並從此對金球獎的認受性大大減低。洛賓與列貝利當年，被冠以用兩人姓氏結合的『洛貝利』（Robbery）綽號，艾保爾指這是拜仁隊史攻擊組合的最高榮譽，如今終於有『奧利亞斯』接班。
24歲的法國右翼米高奧利斯，今季德甲首循環交出9個入球同12個助攻（連同各項賽事12球19助攻）；至於29歲哥倫比亞左翼路易斯迪亞斯，聯賽首循環亦有9個入球10個助攻（連同各項賽事13球12助攻），今季由這位前利物浦球星，取代離隊轉投加拉塔沙雷的「敗家仔」利萊辛尼，拜仁雙翼的威力立即大幅度提升！兩人在首循環聯賽直接及間接參與了40個入球，不但比昔日「洛貝利」任何一季同期更加優勝（2013/14球季首循環只合力參與了24球），甚至是德甲史上最佳數據。艾保爾興奮地說：「奧利斯球風細膩優雅，極富創造力，而且同樣喜歡在右路切入中路射門，絕對有洛賓影子；迪亞斯同樣充滿創意，更擅長製造混亂，底線傳中功架一流，一對一個人突破能力，足以成為新一代的列貝利！」
教練高柏尼要求更高
不過，拜仁少帥高柏尼卻想將對「奧利亞斯」的讚美推遲一點：「我有資格講，因為喺2013年，以隊長同中堅身份代表曼城，喺歐聯到訪慕尼黑同拜仁對戰。當時我哋盡咗一切努力，但防線一樣俾『洛貝利』輕鬆瓦解，結果我哋以1:3輸咗俾拜仁！我對洛賓同列貝利高度尊重，依家我唔想用奧利斯及迪亞斯同佢哋比較，太早啦，等兩人幫拜仁贏得更多冠軍之後，我至回答關於呢個接班話題啦！」
