Mark突派彩蛋 Dry隔空合體
馮德倫呻被「昆」入行
由雷頌德（Mark）和馮德倫（Stephen）於1996年成軍的組合「Dry」，推出過3張錄音室專輯及1張現場Live專輯，於1998年解散，令粉絲大表可惜，然而已移居英國的Mark突然派彩蛋，在社交平台推出「Dry30年後傾吓偈-erp1 開始篇」節目，與身在香港的Stephen隔空「同框」對話，Stephen更稱是被「昆」入行。
Mark自言網上開節目，第一集必然要請Dry的拍檔Stephen擔任嘉賓，兩人先「考古」重提最初結盟的一刻。Stephen話最記得首次在唱片公司見面：「我一個人戇居居坐喺度等，我又唔知你咩樣，但有個人好fashion（時尚）嘅，喺我前面行過，之後又返轉頭問我係咪Stephen，再叫我入房。」
經理人曾想推4人組合
Mark則稱第一眼看見Stephen便希望他是自己的拍檔：「你咁靚仔，你着到送貨咁，但你應該唔係送貨。老老實實，主要係你個樣，你識唔識彈結他係其次，因為組合一定會有個樣掂㗎嘛。」Mark再爆最初經理人曾考慮推出4人組合，只是遭他婉拒：「搵4個都咁靚仔係冇可能，二人組合啦。」而Stephen笑言本身從沒想過唱歌，「我被人『昆』咗去唱歌囉，但都係因為你幫我，搞到我啲歌先見得人」。
