麥明詩否認虎媽 擬追女湊「好」字
苦惱兒子報讀學校問題
十優港姐麥明詩昨日（13日）現身金鐘出席品牌活動，以一身紅色長裙艷麗亮相，她受訪時表示已開始適應新手媽媽的身份，感慨既辛苦又甜蜜，「佢年紀都已經10個月，要開始諗返學，我啲朋友已經問，喂！你報邊間學校，讀國際學校定傳統學校」，她透露計劃追番個女，湊成一個「好」字。
問到她是否「虎媽」，麥明詩即耍手擰頭否認：「唔可以咁講，我係一個有規劃嘅阿媽」，續指希望在囝囝仍細時，把握他學習最快的時間，讓他接觸更多不同的新事物，因此早前已三次帶囝囝去旅行，有助他身體的發展，她又分享第三次旅行時，乘坐由老公擔任機師的航班，因此全程都只能靠自己去照顧囝囝，最終成功安全度過。
囝囝性格似自己
談到教育方面，麥明詩表示由於自己媽媽亦從事教育行業，因此囝囝已在婆婆的教育中心上playgroup，又笑言兩人的關係很特別：「佢知道同婆婆相處有啲Task要做，但佢又好鍾意同婆婆一齊，因為婆婆比好多關注佢，所以好開心得嚟又要做嘢。」而問到囝囝的性格，麥明詩就認為比較似自己，對任何事都很堅持。
至於問到她會否想再生多個，麥明詩直言有計劃再生多個，並坦言希望追返個女，湊成一個「好」字，大讚女兒比較細心和靠得住，又可以陪她聊天出街，更希望把靚衫靚首飾傳承給女兒。
