嘆雙面人角色複雜
事實上，《非常檢控觀》是繼去年尾《新聞女王2》後，今年無綫首齣自家製劇在兩線劇時段推出，對於肩負2026年打頭陣的重任，馬德鐘稱：「我相隔約2年再有劇出，依家大環境有別，其實今時今日有劇可以出街已經好好，雖然《非》劇係2023年拍，放依家播都無分別，當時團隊都好努力拍攝，律政劇亦係TVB強項，希望大家都珍惜港劇。」馬神透露，與監製相識多年，因此默契十足：「劇集係非一般嘅律政劇，以不同法律案件帶大家尋求真相、解謎，我喺劇入面係『鏡反射觸覺症患者』！（會否怕電視觀眾唔明？）應該唔會，我哋會有解釋，自己亦會喺社交平台介紹一下，相信大家容易理解！」馬神續稱，其角色如同雙面人，「我因為有依個病，所以感受到比正常人多一種感受，角色比較複雜！」至於劇中較少法庭場面，他說：「主要都集中我哋滅罪鐵三角，用唔同案件帶出一個訊息，即使生還者、受害者面對傷痛，都要放下同釋懷。」另外，馬神指現時工作主要在內地拍劇、微視頻或出席商演，但強調自己與TVB關係良好，若有好劇本一定會回娘家。
