張頴康告別TVB 感激兩影帝提攜
公開冧妻：娶到「東張女神」
43歲藝人張頴康昨日（10日）凌晨在社交平台發文宣布離巢TVB，結束長達19年的賓主關係。張頴康撰長文表達不捨：「再見了TVB！所以喺TVB嘅最後一日，影咗啲相留念！拍完最後一個鏡頭，原來眼淚真係會忍唔住流咗出嚟！」他又特別感謝劉德華、林家棟兩名影帝的提攜。
張頴康獲劉德華公司發掘於2000年入行，初期有「劉德華契仔」之稱。張頴康雖然演出過多部電影，但星運一般，直到2006年在劉德華推薦下加入TVB，一直工作至今。張頴康回想起當年剛入訓練班的情形，「19年前，華哥（劉德華）安排咗我加入TVB嘅訓練班，希望我可以好似佢同家棟哥哥一樣，接受TVB木人巷嘅訓練！我好記得入TVB前，家棟哥哥同我講咗句說話：『入到去，乜都唔好理，耷低個頭就做，你一定會學到嘢！』」
曾奪飛躍進步獎
張頴康加入TVB初期由跑龍套做起，直到2016年憑《一屋老友記》奪得「飛躍進步男藝員」，角色佔戲越來越重。張頴康的代表作有《回到三國》的范根、《一屋老友記》的三寶、《逆天奇案》系列的Marco等，演技獲得肯定。
出名「寵妻」的他又公開冧妻：「多謝TVB！多謝你畀我認識到我眼中獨一無二嘅東張女神麥雅緻，然後仲成為咗我嘅老婆，畀咗我一個幸福完美嘅家庭！」張頴康最後再提起劉德華：「19年後嘅今日，我終於可以好自豪咁講一句：『我張頴康，係劉德華同TVB栽培出嚟嘅演員！』各位戰友，江湖見！」
