郭富城「登六」開P 方媛產後首露面
天王郭富城前日（26日）「登六」大賀60大壽，為他誕下第3名千金的太太方媛及兩個女兒Chantelle和Charlotte都齊齊現身為其慶生。今次是方媛上周三（22日）「卸貨」後首度亮相，只見佢腹部平坦、美腿纖細，外形及體態同分娩前幾乎零差別。
三度做爸爸的郭富城慶祝60歲生日，獲方媛晒出生日P合照，並留言：「老公生日快樂」見生日蛋糕係穿上超人裝的他抱住BB，似足佢近日的奶爸生活。嬌妻方媛產後未有好好坐月，休息僅4日就為老公破戒，不過見她氣色紅潤，妝容得體又自然，而兩個寶貝女Chantelle同Charlotte亦打扮成小公主，同爸爸一齊慶祝。郭富城其後亦有回覆方媛：「謝謝老婆謝謝大家的祝福🥰」
有眼利網友發現郭富城生日會的衣服，是兩年前生日P着過，非常環保。
