苟芸慧復出想拍劇 對感情生活隨緣
2009年國際中華小姐冠軍，前TVB藝人苟芸慧近期因離婚新聞成為眾人目光，她昨日（14日）受邀出席觀塘海濱舉辦的露天活動。苟芸慧接受訪問時被問到感情狀況，她回答：「好多謝大家關心，我而家好自由，都係以工作為主。（文件）都處理好啦。」有記者笑言：「即係可以追你？」苟芸慧笑一笑，也回答：「你哋真係，我可以點樣答。（你可以話好多人排緊隊）其實我而家好enjoy同狗狗相處嘅時間，我都希望可以將個心擺喺工作上面，緣分嘅嘢就隨緣啦。」她又表示，有意願重返幕前演出和拍劇。問及TVB有否向她招手，她回答：「舊公司暫時未有搵我傾偈。（ViuTV有冇搵你拍嘢？）可能要將我電話擺喺social上面。」
