陳慧嫻北京個唱 搣甩廿磅嫌唔夠

香港仔 P16 2025-09-10

　　現年60歲的陳慧嫻（Priscilla）日前於北京國家體育館舉行《The Fabulous 40巡迴演唱會》，原來這次是她出道以來首次於北京舉行個人演唱會，北京粉絲等足40年，難怪一開Show全場氣氛迅即燃爆。

　　為了今次北京站，慧嫻落足心機，除咗唱出《千千闕歌》、《飄雪》、《傻女》等經典金曲，更特別訂製一套全新黑色西裝泡泡裙戰衣，於最後encore三首歌登場，成為全新壓軸造型，她稱：「點解我會揀黑色呢？因為我係有啲肥嘅，哈哈，所以要着黑色，不過我已經瘦咗20磅，其實我想再減多10磅，你哋覺得要唔要？」歌迷隨即大叫：「唔使！」「你而家好靚呀！」弄得慧嫻自己也忍不住笑。