勝利船留力日職 難贏橫濱
日聯盃八強首回合賽事，日職尾二FC橫濱主場迎戰第3位神戶勝利船。勝利船現時只落後榜首京都不死鳥一分，對這支過去兩屆日職盟主來說，聯賽3連霸遠比日聯盃重要，今仗必會大輪換派副選應戰，作客讓唔起FC橫濱，撐﹝+1﹞讓球主勝。（myTV Super周三6:00pm直播）
勝利船上輪主場1:0力克橫濱水手，傷癒復出的王牌前鋒武藤嘉紀為球隊奠勝，不過這名33歲老將狀態仍未回復十足，今仗肯定會休息！球隊上下都已將目標瞄準下場日職主場惡鬥聯賽榜次席的柏雷素爾，勝利船目前落後該隊一分，若能主場贏波即可反先，今仗肯定留力。球隊早前天皇盃面對丙組仔SC相模原，也用副選只靠互射12碼晉級；FC橫濱主場踢盃賽向來用心，日聯盃第3圈曾淘汰日職前列球隊町田澤維亞，上輪首回合作客1:4大比數落後大阪櫻花，卻能於次回合主場反勝晉級！加上兩軍上月中在聯賽碰頭，FC橫濱作客亦曾爆冷贏過勝利船1:0，今仗主場受讓可再追。
