PSG沖喜 打鐵趁「熱」
失落世冠盃 歐超盃補中
第50屆歐洲超級盃，去屆歐聯冠軍巴黎聖日耳門（PSG），今夜與歐霸盃冠軍熱刺，假中立的意大利烏甸尼斯弗留利球場爭霸。兩軍過去都未贏過這項盃賽，今仗亦是雙方首次在正式賽事交鋒。不過PSG無論質素、兵源及陣容完整性，都勝熱刺一籌！翻查紀錄，近12屆歐超盃，有11屆由上屆歐聯冠軍勝出，PSG經過世冠盃失利後，也急於捧盃沖喜，讓到一球、球半盤口亦見信心，上盤信得過。（NOW 643台周四3:00am直播）
巴黎聖日耳門在過去一季大豐收，贏得法甲、法足盃及歐聯3料冠軍，在歐聯奪標過程更先後淘汰曼城、利物浦、阿士東維拉及阿仙奴4支英超勁旅，捧盃實至名歸。球隊於今夏的世冠盃亦先後輕取馬德里體育會、拜仁慕尼黑及皇家馬德里3大豪門，只有決賽失準不敵車路士，不過賽事的整體表現依然予人良好印象。今仗距離世冠盃決賽只有一個月，PSG經過休息後未有踢任何熱身賽，不過抖暑時間短或會影響該隊季後的耐戰力，但看過同樣踢完世冠盃休息時間短的車路士及拜仁慕尼黑在季前賽表現，反而見到更易重拾狀態。
PSG陣容鼎盛，今仗大致會沿用世冠盃陣容，當中只有兩個變化：剛從里爾加盟的門將盧卡斯捷華利亞，會代替當拿隆馬把關；主力中堅威廉柏曹對車路士一役停賽後可以復出擔正。球隊歷來只有1997年踢過一次歐超盃，當時敗在祖雲達斯腳下，教頭安歷基揚言有決心首度捧得歐超盃，以抹去失落世冠盃的不良感覺，重拾強勢迎接新賽季。
熱刺傷兵多 戰力受損
上屆歐霸盃冠軍熱刺首度參戰歐超盃，球隊今夏經歷換帥，亦有隊長孫興民離隊。季前熱身賽戰績毀譽參半，最後熱身賽於慕尼黑慘吞拜仁4蛋，面對拜仁的搶逼及強攻無力招架。偏偏PSG踢法與拜仁極為相似，狀態及整體實力猶有過之。何況熱刺目前正受傷兵問題困擾，左閘烏杜治、中場古路施夫斯基及箭頭蘇蘭基仍在養傷，中場大將占士麥迪臣更在熱身賽中重創要長抖，球隊鋒力及中場創造力都受損，更難拉近與PSG之間的差距。
