佘詩曼認戀情 冇停過拍拖喎
投入拍劇變人格分裂
視后佘詩曼（阿佘）日前到馬來西亞為飲食業好友的食店剪綵，其後接受另一位移居當地生活的好友、KOL可媛（Hilda）的YouTube頻道訪問，阿佘大方分享近況，更突然爆出一句：「我冇停過拍拖喎。」嚇得好友「吓」了一聲。
佘詩曼當年堪稱「TVB緋聞女王」，幾乎每拍一部劇便與男對手傳一次緋聞，但自從她離開TVB，感情生活似乎變得低調，只傳過她與一名型男畫家拍拖，更疑被拍到於街頭拖手，但戀情其後不了了之。阿佘近日接受好友Hilda訪問時講到感情問題，她竟然表示：「我冇停過拍拖喎！」及後才解釋：「我係同我嘅工作談戀愛，每一個劇集就係我嘅對象，好投入同去揣摩，都已經好多精力，係我去愛上我個角色，其實個過程係好浪漫。（會唔會人格分裂？）我係有，其實我係唔係好正常，我覺得演員都唔係好正常，正常人做唔到演員，你成日一時一樣，點樣會係一個正常人。」
自認工作狂冇時停
Hilda亦問到，如果佘詩曼當初沒有入行做演員，會認為自己會有何發展。阿佘思考一陣子表示：「我諗……我會做咗一個媽咪囉……我經理人擰晒頭呀！冇嘢可以做到咁慘，哈哈！因為我唔可以日日都做啲朝九晚五嘅工，我唔得，咦，咁可能做媽咪都唔得喇……因為我見你（Hilda）日日06起身送小朋友返學，咁可能我都係唔得。」佘詩曼指自己是停不下來的人，放假太久會瘋掉，「我會覺得好無聊，我人生冇晒意義，同埋覺得自己好廢。」她說，自己非常為食，如果不做演員可能會做旅行美食家，不過自言安排事情非常混亂，可能仍然需要很多人幫助。
