九龍城大換血 不設主教練
上季在港超聯排名第6位的九龍城今季改頭換面，共有13名球員離隊，包括陳文輝、陸平中及歐陽耀冲等。共有17名新球員加盟，包括前南區中場基斯、前流浪鋒將雷仙奴以及從大埔借入的峇夏比。另外亦有體能教練羅敏聰、龍門教練戴廷匡加入教練團。九龍城足球會聯席主席麥融斌透露，今季班費較去季600萬增加約20%，並繼續以深水埗運動場作主場。
九龍城原任主教練的陳銘剛將轉任顧問，暫時由教練團共同帶領球隊。九龍城足球會總監何信賢稱：「呢個安排算係一個新思維，今年好多新球員，教練團分工會更清晰，不過唔排除將來會搵個本地主教練。」該會聯席主席麥融斌就稱：「陳Sir仍然係整個團隊一部分，球隊未來會有不同計劃，可能需要佢嘅幫忙。」新加盟九龍城的本土兵全部都是U22球員，何信賢指由於戰術需要，故決定為球隊注入「年輕力量」，並寄語他們要裝備好自己：「教練團想踢體力化足球，再睇睇效果係點，我希望佢哋都得到機會，如果嚟到冇得出場，對香港足球發展並非好事。」
