蔡一傑做完開腦手術 記憶力勁過AI
草蜢成員蔡一傑去年10月宣布完成切除腦部腫瘤手術後閉關休養，大前晚合體為陳慧琳紅館演唱會尾場擔任表演嘉賓。問到再踏舞台跳唱心情如何？傑仔說：「有啲緊張！第一，做完大手術之後首次上台；第二，我要喺好短嘅時間學一首全新嘅歌。」蔡一智說 ：「證實你個腦冇事啦！」傑仔笑言：「因為插咗新嘅芯片入腦，呢個芯片好犀利，令到我記嘢快咗。（AI蔡一傑？）勁過AI。」並笑言再踏舞台感覺像初戀。
傑仔表示休養期間除了不停鍛煉自己，就是作曲：「為表我嘅誠意，送上全新禮物——新歌《老的辣》。」蘇志威說：「呢首歌令我喺台上，一路跳一路唱好感觸，以為慢歌先至會有呢種感情，但係呢首快歌，每一句歌詞令我覺得，我真係活喺台上，我係唱緊我自己。」
