許廷鏗約打波 欣宜反撩打牌
知老友傷勢唔嚴重
鄭欣宜早前宣布復出參加內地歌唱比賽，但之後因肩頸傷患被迫退出。欣宜老友許廷鏗昨日出席活動時透露已慰問對方，指欣宜身體狀態OK，並搞笑稱經常約她打羽毛球，但欣宜卻反叫他打牌和吃美食。
新城廣播主辦《第一屆新城慈善羽毛球賽》昨日在跑馬地紀利華木球會舉行，匯聚來自各界的社區成員，包括名人、歌手、商界、運動員及學生踴躍參與。新城廣播有限公司行政總裁馬浚偉親自上場，與羽毛球高手許廷鏗、郭偉亮（Eric Kwok）、羽毛球教練葉姵延及伍良華進行慈善星級表演賽。
許廷鏗表示打了羽毛球逾30年，問到可有邀請好友鄭欣宜一起做運動？他笑言：「成日叫佢，但佢又叫番我打牌同食嘢。」提到欣宜神隱兩年，原本上月復出到內地參加歌唱節目《歌手2025》，但演出前卻因肩頸受傷而退出，近日再有消息指她會現身節目，但官方隨後證實由黃麗玲（A-Lin）做補位歌手，更指欣宜無法參與本季節目，令外界再度關注她的傷勢。
問許廷鏗可知欣宜的傷勢是否嚴重？他表示：「對上一次見面已經係欣宜5月生日，之後睇新聞先知佢受傷，已經慰問咗佢，佢回覆話OK，應該幾好，所以都冇再打擾佢。作為朋友，我覺得工作係重要，但更重要嘅係佢身體健康、行得走得，詳情就留番畀佢自己解說。」
Eric Kwok學打羽毛球追女仔
許廷鏗透露曾與欣宜討論參加歌唱比賽事宜，但當時她覺得自己已是歌手，不會參賽，故當他得知欣宜參加《歌手2025》感到驚喜：「因為以前嘅佢唔係一個對自己好有信心嘅人，依家佢終於相信自己嘅聲音係有實力。」
Eric Kwok自爆當年為追初戀女友而學打羽毛球：「到第二個女朋友已經係太太葉佩雯，係靠玩Wakeboard抱得美人歸。拍拖之後感染太太愛上滑雪，令大家有共同嗜好。」他透露與太太主理女團XiX的新歌《你唔明㗎喇》快將推出：「過程辛苦到令我同老婆短咗4年命！」更形容比滑雪更危險，但歌曲卻是XiX由BB變成少女的成長階段。
