小方宣布太太佗B女
方力申（小方）早前宣布太太葉萱懷孕，但未有公開性別。前日他在佛山舉行演唱會時，以刺破氣球方式揭曉BB性別，冒出多個粉紅色小氣球，寓意老婆快將生女，他扮激動說：「我直情係接受唔到呢個現實，當時我全晚都係話仔嚟㗎，冇可能係女，我真係接受唔到啊，對我衝擊太大啦！」他直言：「我到今日仲未好肯定佢係真係女嚟嘅，所以月尾我陪太太去照個結構，睇吓有冇嘢凸出嚟先。」
小方透露生仔或生女有何分別：「如果係仔，佢好大壓力，因為我一定要佢練游水、一定要佢好有禮貌、好誠實，即係好生性。如果生女，我想我長命啲、弗啲，即係我想保護佢。我想佢拖住我時，覺得老竇仲係好有型，所以我嘅壓力好大。」
