莊家睇淡 鹿角難吞苦「丸」
日本天皇盃第3圈今午上演，當中日職第4位鹿島鹿角作客對日乙第8位長崎成功丸，牌面強弱懸殊！但足智彩前天開飛竟然開出平手盤，直至昨天才調整為鹿角讓平半！成功丸歷來4次對鹿角全敗，今次卻獲莊家睇好，主場出擊隨時偷到雞！（開賽時間：周三6:00pm）
鹿島鹿角在上月仍位居日職榜首，但近期無論演出及成績都突然急瀉，聯賽3連敗後跌至第4位，攻守表現之差都受到嚴厲批評。教練鬼本達聲言目標仍是日職冠軍，已下令必須立即止血，周日聯賽挑戰榜首勁旅柏雷素爾十分關鍵，今仗肯定會大輪換留力！何況陣中兩大王牌主力：門將早川友基及中堅植田直通，昨天才代表國家隊踢東亞錦，今仗肯定缺陣，球隊戰意成疑；成功丸踏入5月後主場不敗，近4仗更贏出3場，中場有前日本國腳山口螢領軍，配合5名巴西援兵戰鬥力不容小覷，主場出擊有雄心打老虎。
