朱敏瀚拒認愛 憂影響陳曉華
上位做男一 遺憾父親未能見證
TVB上位小生朱敏瀚（朱仔）前途一片大好，他於早前播出劇集《虛擬情人》首次做男主角，但遺憾「忠實粉絲」父親去年離世，未能見證他擔正演出。對於一直否認與陳曉華拍拖，他坦言不是擔心影響自己事業，反而最怕影響了陳曉華甚至製作團隊努力付出的成果。文：梁靜儀 攝：北山彥
童星出身、17歲加入TVB的朱敏瀚，出道時多演學生及弟弟角色，有「御用細佬」之稱，直至近年屢次有突破演出而備受注意，更於早前播出的《虛擬情人》首當男主角。朱仔表示劇集於兩年多前拍攝，當初收到通知會播出很開心，並多謝監製之一林瑋澄起用他。
相信有機會做視帝
劇接劇的朱仔逐步上位，可是卻有一絲遺憾，就是「忠粉」爸爸未有機會看到他擔正演出。去年朱父因病離世，朱仔感觸說：「呢兩三年拍咗好多劇，例如《虛擬情人》、《痞子無間道》，但上年只播咗一套。記得初入行爸爸會開電腦上網翻睇我嘅演出，重複又重複睇，就算係我主持嘅《都市閒情》都會睇。我唔知爸爸係咪耳仔唔好，佢當時開到好大聲，我喺隔籬房都聽到。我知爸爸係一個對我好大嘅支持者，好希望佢睇到我拍咗嘅作品，希望佢喺天上睇到。」
朱仔曾於台慶頒獎禮奪「飛躍進步男藝員」、「最佳男配角」及「最受歡迎電視拍檔」，問到下一個目標可會是視帝，將獎座送給天上的爸爸？朱仔表示相信將來會有機會：「得獎係一個過程，唔係一個終極目標，唔係為攞獎做任何事。」
朱仔事業得意，感情生活亦備受關注。他與陳曉華去年被傳結婚，但有指兩人因公司施壓而未能公開戀情，只能以「了解中」作回應。過去朱仔曾公開承認跟蔣家旻、余思霆拍拖，但今次則「一反常態」，他否認擔心事業受影響，只是怕影響其他人：「如果件事只涉及我，點講都冇所謂，但如果涉及佢（陳曉華）甚至會影響製作團隊努力過嘅事情，我覺得少講為妙。」問到是否有好消息才公開戀情？他笑言：「依家都冇得瞞，你哋（傳媒）咁勁，當然有好嘅事再講。」
