闖溫網八強 祖高域破「費達拿魔咒」
38歲祖高域昨晨在溫網中央場先落後一盤下，以1:6、6:4、6:4、6:4反勝澳洲球手邁納爾，第16次闖入這項大賽八強，保持追平費達拿8冠王機會。
瑞士名將費達拿今仗駕臨中央場，原來祖高域之前試過兩次，在費達拿捧場時都輸波而回，祖高域賽後說：「第一次喺費達拿睇我比賽時贏波，終於可以打破魔咒！佢係偉大球手，我非常欽佩同尊敬佢，大家對戰咗咁多年，好開心能夠見到佢重返以往最成功嘅賽事。」今仗亦為祖高域溫網第101場勝仗，只欠4場會追平費達拿嘅最多勝仗紀錄。祖高域下輪將會遭遇22號種子高保利，並有機會於準決賽火併「世一」冼拿。
冼拿於16強戰陷入尷尬局面，面對保加利亞球手迪米特洛夫開局失利，連輸兩盤3:6、5:7。幸運的是第3盤打到第4局，迪米特洛夫發出一記「ACE」球後，捂住右胸痛苦地蹲在地上，經治療後證實要退出比賽。冼拿賽後表明這不是他想要的結束比賽方式，並祝福迪米特洛夫早日康復。
