上屆留憾 佩迪拉絲迎接巔峰時刻
西班牙女足近年戰績出色，更加橫掃金球獎 ！近4屆世界足球小姐都盡收囊中，巴塞隆拿中場佩迪拉絲贏得2021及2022年殊榮，近兩屆則落入巴塞隊友邦瑪迪手中。今屆兩人都已身在瑞士，為爭取首奪歐國盃衝刺。
佩迪拉絲一直以來都是巴塞隆拿及西班牙女足的真正核心，被譽為有史以來最偉大的女足球員之一！能夠勝任策劃者、進攻中場、左翼甚至前線終結者角色。作為一名中場球員，職業生涯至今屆已取得逾200個入球。不過上屆歐國盃展開前，不幸因膝蓋韌帶撕裂而缺席，球隊最終在八強戰不敵英格蘭。此後她的狀態一直受傷患影響，近年鋒芒確被邦瑪迪蓋過。
不過，現年31歲的她，聲言已作好準備捲土重來：「我哋，尤其係我！為今次歐國盃付出所有，準備咗好耐好耐，要成為歐洲冠軍永遠唔容易，有好多勁旅等緊我哋，不過我就唔信西班牙唔可以捧盃！我想話畀大家聽，我感覺從未有現時嘅好狀態，我會好好享受呢個時刻！」
