老公受痛楚困擾 衛詩雅：唔影響生B
衛詩雅、林奕匡和柯煒林昨日出席手錶展覽活動，提到衛詩雅老公早前在社交網自爆兩年前身體出毛病，感激太太悉心照料，她透露老公兩年前於盆骨附近接受手術後引發併發症，雖然傷口癒合，但至今仍未完全康復。問到是否患難見真情？她坦言：「係，但老公話自己三生有幸，其實我都係！佢冇講自己嘅好處，正如我唔開心或發脾氣，佢都好識得安慰我。（影響生B？）唔會，老公只係痛，唔影響正常生活，生B係順其自然、唔會刻意。」
昨日是林奕匡40歲生日，他表示工作後與家人食飯慶祝，並指早上收到9個月大兒子送的禮物：「佢第一次同我錫錫。」他笑言基於衞生理由，兩公婆一直沒與兒子「咀嘴」，並指太太於母親節已搶先收到這份禮物。
