澳門騷勁開33場破紀錄 軒仔新春馬場行大運
香港文匯報訊（記者 子棠）張敬軒（軒仔）於澳門倫敦人舉行共33場的《Dahlia Blossom HINS CHEUNG PRIME CLASSICS LIVE 2024 張敬軒澳門演唱會》日前圓滿結束，軒仔除了打破歌手於澳門倫敦人開show紀錄，同時亦打破了澳門演唱會史上紀錄，認真厲害。軒仔的演唱會還吸引好友蔡卓妍（阿Sa）、黃婉君（Rosanne）、女團VIVA及海兒（Hedy）等專程到澳門欣賞。
軒仔謂很開心完成上一輪的演唱會，加上主辦單位再次邀請加開四場，總共演出了33場演唱會，是他人生最長一次的駐場演唱會。當唱到《故園花茶》時，亦勾起軒仔不少童年回憶，尤其軒仔的父母最近重新搬返嚟香港，軒仔見到老竇又老咗一圈，感觸頗多，所以想藉住呢首歌，呼籲歌迷有時間多啲返去陪吓爸爸媽媽，因為佢哋唔係勢必喺我哋身邊。
此外，軒仔將於年初三到沙田馬場為大型賀年活動「農曆新年賽馬日」擔任新春綜合匯演表演嘉賓，更會化身「吉星」向大家拜年；將第四次親臨馬場表演的軒仔亦分享自己的好運小秘訣﹕「入馬場最緊要着得靚！有自信又有氣場，自然有運氣。」至於2月1日的生日會如何慶祝，軒仔鬼馬地說：「每年生日都得到好多朋友同粉絲嘅祝福，而年初三嚟到馬場又可以見到有一班粉絲嚟撐我場聽我唱歌，令我覺得好窩心，嚟緊我會繼續努力去報答佢哋嘅支持！」
