好睇又好食 炑八韓烤親子餐廳

香港仔 P04 2024-05-28
■餐廳設施頗受歡迎。
■餐廳設施頗受歡迎。

■賣相吸引。
■賣相吸引。

■造型可愛。
■造型可愛。

　　位於觀塘鴻圖道90號2樓的炑八韓烤是一家頗受家庭客歡迎的親子餐廳，近期推出全新親子主題套餐，有得玩又有得食。

　　這是「媽咪圍爐取暖套餐」，可以畀小朋友去大型波波池的兒童遊樂場玩足2小時，而且食物選擇種類又多，部分食物中可以Refill（補充），而且非常「打卡able」。拼盤有韓式大蝦、特製LA骨、月見韓牛前胸肉、香烤梅花肉、蜜糖雞腿肉，以上全部都可以無限Refill。講起依個餐最特別就係可以烤嘢食，有香蕉/柑/紅棗/腰果/棉花糖/紫薯餅可以放爐邊慢慢烤熟，有驚喜之餘亦好創新。

　　小朋友餐亦有對口選擇，包括春日華爾滋盛合便當，單是賣相已十分吸引，不少小朋友見到都雙眼發光。有造型可愛的兔仔飯團，仲有小朋友最愛的炸雞。春天協奏曲全日早餐，大人小朋友都鍾意，整塊魚柳有半條手臂咁長，炸魚的火候剛剛好，好玩好食又好睇。