赴日常幫朋友買藥妝 吳業坤為太太鑽研廚藝
香港文匯報訊（記者 梁靜儀 ）吳業坤 （坤哥）昨日於電視城為今晚舉行的《博愛歡樂全萬家》進行綵排， 對於有份演出的胡鴻鈞，早前在廣州回港被海關搜出過百支加熱煙，坤哥表示不會慰問對方， 又指自己經常去日本都會幫朋友買藥妝。
坤哥昨日以全黑打扮進行綵排， 明顯較早前清減了，他表示過年期間因有很多飯局，食肥了一點，現在要減肥。 問到是否因有太太煮飯的緣故？他笑說剛好相反：「 係我煮畀佢食，我拿手煮意粉同埋辣酒煮花螺，之前喺日本因為魚生平，都買過魚生整個手卷， 以前我唔煮食，搬出嚟住之後就開始鑽研，家務就交畀太太。」 他又指太太初來港時，覺得食物很濃味，但現在跟他一樣愛上吃濃味的食物，最愛吃酸辣米線。
他又透露在籌款節目內會跟一名8歲小朋友合作表演， 小朋友表演打鼓， 他就負責唱歌。 他覺得給小朋友多些機會表演是好事，都希望將來有機會跟自己唱歌學校的學生同台演出。 問到他幾時才生個龍B一齊演出？坤哥笑稱唔趕急生：「 阿媽都有催，但係唔急，暫時過二人世界先，要儲多啲錢，等經濟狀況再好啲才諗。」
近年不少參加歌唱比賽出身的藝人都開唱歌學校， 坤哥認為是好事，因有競爭才有進步， 而且大家學生層面不同，教學方法亦各有不同 ，最緊要的是合適， 所以他亦會讓學生試堂。
談到好友胡鴻鈞早前在廣州回港被海關搜出過百支加熱煙，對方今晚亦有份演出，問到坤哥可有關心好友？他說：「 我唔知，亦唔方便評論。（你有冇叫對方買電子煙？）自己唔食煙，以健康為先 ，不過相信大家經一事長一智 。（有冇慰問對方 ？）做朋友唔使特別提， 佢都唔關心我， 十幾年都係食吓飯。」說到他近年經常往返日本，朋友可有叫他帶貨？坤哥直言都是幫朋友買藥妝，不過他就未有打算做代購， 自己唔識亦很懶，至於太太亦有自己的工作。
