薛家燕曝台慶帶後生仔跳舞 陳茵媺稱女兒貪靚在家扮港姐
香港文匯報訊（記者 梁靜儀）薛家燕、陳茵媺、周嘉洛、鄺潔楹及蔣祖曼等，前晚為TVB節目《思家大戰》第三季錄影，已第三次參加節目的家燕姐笑指不知道主持人李思捷為何對她念念不忘。
家燕姐指女兒很喜歡看這節目，事前也有問她是否有把握勝出，她雖已參加多次，但因遊戲是考反應及思維，故仍未能掌握箇中蹺妙。下個月19日便是TVB台慶，但今年仍未舉行亮燈，家燕姐表示自己剛返港所以不知道，可能有特別安排，不過她已收到通知，會在台慶表演跳舞：「我會帶領幾十個男仔一齊跳舞，梗係返嚟排，不過我未試過同咁多後生仔一齊跳，怕到時會暈浪，集中唔到精神。（會跳十字步、開花舞？）到時會表演同平日唔一樣嘅舞蹈。」她笑言因早前去了潮洲拍攝《溜走的真味》，品嘗了當地太多美食肥了幾磅，現正盡量減少食量，希望恢復輕盈身形，不過11月她將要到新加坡、馬來西亞及大陸等地工作，所以時間上會很趕。
教仔女要保護私隱
首次參加該節目的陳茵媺（Aimee），透露老公陳豪（阿Mo）事前已叫她要放鬆去玩，不用太認真，不過為怕節目中有機會有尷尬問題，故不會讓仔女看。
Amiee近日頻頻現身為新劇《羅密歐與祝英台》宣傳，就連星期日都要開工，她直言仔女都有向她投訴，幸好奶奶幫手湊小朋友，令她很放心去工作。她又稱仔女最近看了他們的演出，都很有興趣入電視城參觀，去睇父母現場演戲。
問到仔女可有被他們影響想做藝人？Aimee就表示有可能，尤其是女兒：「因為佢好鍾意靚嘢，又貪靚，佢有套迷你后冠，會喺屋企扮香港小姐，但我暫時都未畀佢睇我以前選港姐啲片，我冇同佢講，反而佢喺學校就有老師或者同學仔父母話畀佢知媽咪喺香港小姐。（佢有冇話要參選？）冇，佢未識呢啲。」
Amiee又指女兒很喜歡拍片，拍完之後又會問她放在哪裏分享，自己亦會問女兒是否能分享：「但佢暫時都未話想開自己網上賬戶。（阿Mo指女想做YouTuber？）我唔係好建議，佢哋都咁細個，首先真係要教識佢哋點樣去保護自己嘅私隱，亦要保護自己，因為𠵱家網上世界太大，好多嘢要防範，好似網絡欺凌，𠵱家呢個年代嘅小朋友都要比較小心處理，應該要搞好佢哋嘅思想，等佢哋好清晰自己做緊啲乜，先可以好安全地畀佢哋進入網上世界，所以佢哋未有自己手機。」
