炎明熹淚灑個唱 梁詠琪想生「小Gigi」
表演翻觔斗 獻唱《Dear My Friend,》激動
「人氣王」炎明熹前晚舉行個人演唱會，突破自己，表演長達12分鐘跳唱，就連表演嘉賓梁詠琪也大讚炎明熹是許多父母都想擁有的女兒。當她獻唱姜濤歌曲《Dear My Friend,》時忍不住落淚，她表示憑歌寄意送給大家，很害怕自己長大後失去從前的初心：「希望行呢條路嘅時候可以遇見番佢。」
炎明熹一連兩場首個個人演唱會《炎明熹Gi-FORCE演唱會》前晚於九展揭開序幕，雖然在三號風球下舉行，但無礙粉絲熱情捧場，炎明熹父母、嫲嫲及弟妹亦總動員撐場。她穿上布滿小燈泡的白色波浪型短裙從舞台中央的巨型星球裝置出場，獻唱《真話的清高》，之後換上銀色型格短裙及全紅色長裙，每個造型設計都呼應演唱會的太空主題。到跳唱環節，她跳唱長達12分鐘的4首歌，期間更表演高難度翻觔斗動作，台下粉絲尖叫！
「跳舞真係非常難」
一輪勁歌熱舞後，炎明熹表示：「頭先跳舞甩咗啲嘢（裝飾），跳舞真係非常難，真係好多謝大家同埋跳舞老師們。」緊接她獻唱姜濤的《Dear My Friend,》，期間激動落淚，全場觀眾即大叫：「加油！」場面感人。她指這首歌無論怎樣唱都會哭：「呢首歌係姜濤先生送畀離世咗嘅朋友，我暫時想送畀好錫我嘅朋友、好支持我嘅粉絲，亦想送畀曾經嘅自己，我一諗到就會忍唔住喊，覺得人成長後可能以前嘅自己會唔見咗，我好希望佢返嚟，亦希望行呢條路嘅時候可以遇見番佢。」
炎明熹邀請了同樣叫Gigi的梁詠琪擔任首場嘉賓，兩人合唱經典歌《我鍾意》後互相擁抱，梁詠琪說：「大家畀啲掌聲小Gigi，好開心嚟咗Gigi演唱會，你今年幾多歲？」炎明熹笑言：「18歲。」梁詠琪即說：「好羨慕你，18歲就踏上舞台開演唱會。」並大讚炎明熹無論唱歌還是講說話的表情都很可愛：「我以為好多粉絲係小朋友，原來好多係爸爸媽媽級，我知點解喇，因為我哋都好想生個好似你咁叻嘅女！」演唱會尾聲，炎明熹換上全白色土星環女神裝獻唱，其中一首歌《如海》是她將日文歌《灯火》重新填上中文歌詞，甚有心思，也為其首演唱會頭場畫上完美句號。不過昨晚的尾場受颱風「小犬」影響，大會為確保演出者及觀眾安全，宣布延期舉行：「各位持有10月8號音樂會門票的觀眾請保留完整門票，我們會盡快公布演唱會後續安排事宜。不便之處，敬請諒解。」
