周嘉洛佛系戀愛觀 自由開放 尋真愛不受已婚影響着
香港文匯報訊（記者 梁靜儀）林夏薇（薇薇）、周嘉洛、陳庭欣（Toby）、徐榮及袁文傑等一眾無綫劇集《寵愛PetPet》演員，昨日到黃大仙出席宣傳活動，並與「動物守護·社區大使計劃」的守護之星——警犬Sunny、Zander齊齊與小朋友互動、 宣揚愛護動物、尊重生命的訊息。嘉洛大爆愛情觀，稱現實中佛系戀愛，拍拖講感覺，已婚唔影響尋真愛。
嘉洛透露劇情發展會交代他逐漸對薇薇「有啲嘢」（漸生情愫），又笑說：「 對多咗自然有感情，但我要肯定『有啲嘢』至展開追求攻勢。」說到劇中有不少女演員，自言單身的嘉洛即說：「一個都唔關我事，近日又拍《愛·回家》，對朱凌凌（吳偉豪）、阿壯（焦浩軒）多啲。（現實中都想拍拖？）現實我都想，隨緣喇，佛系，講感覺，但𠵱家冇感覺到。」
提到他與陳瀅連續合作拍攝劇集及旅遊節目，可會日久生情？他說：「 我哋係分開拍， 如果對得多，我同滕麗名仲多。」說到對方已婚，嘉洛竟一時口快說：「結咗婚冇所謂，唔影響，真愛呢啲嘢。」說完即暗叫：「死喇！」知道自己「講錯嘢」。
林夏薇稱劇中經常鬧爆嘉洛
薇薇表示劇中經常鬧爆嘉洛，私底下噴到對方一面屁。 為了迎合觀眾，早前就拍短片以水壺狂噴嘉洛頭髮，透露會隨着劇情發展，陸續派彩蛋：「觀眾鍾意睇我糟質佢，片段好受歡迎，Ig兩日點擊超過40萬，抖音更獲100萬點擊， 𠵱家最多人留言係想睇我哋跳舞， 又有人留言叫我幫嘉洛剪頭髮。」嘉洛就稱簡單的都可以：「可能拍啲有音樂襯底fing手fing腳個啲。（跳《FLOWER》？）太高難度啦。」 問到薇薇若要嘉洛幫她剪頭髮又可會接受？她表示近日正在拍 《 逆天奇案2 》，剪頭髮要問過監製，因為要連戲。
另外，陳庭欣攜同其有份客串演出的鸚鵡Shabu Shabu到場，活動期間牠多次「便便」，要Toby清理。 有過「中頭獎」經驗的Toby笑說：「 好彩冇整污糟其他演員，Shabu Shabu試過喺我個頭同膊頭便便。」
Toby指Shabu Shabu之前雖然曾在她的YouTube頻道出鏡，但拍劇則是首次， 問到可有酬勞？Toby笑說：「 畀好多kiss做獎勵，有得客串已好感恩，雖然係義工，但好多謝監製畀佢機會。（有何獎勵？）佢鍾意食瓜子，我都畀咗佢食。」Toby又希望Shabu Shabu可獲邀拍廣告：「可以拍唇膏廣告，佢個嘴好紅， 好多人都以為我幫佢搽咗唇膏。」
