邢慧敏自爆已簽約無綫 林寶玉為「雪卵」操弗身體
香港文匯報訊（記者 梁靜儀）余安安、凌文龍、張蔓莎、應屆友誼小姐邢慧敏、林寶玉及黃建東等，前晚到九龍灣出席動畫電影《露比格曼：海怪神話》首映，有份為動畫配音的余安安和凌文龍繼「兩母子」再次合作。安安表示之前只試過為自己主演的電影配音，為動畫配音則是第一次，更要聲演強悍威武的角色，笑問到是否用回平日把聲便可以？安安笑着否認：「我平時喺孫仔面前好溫柔，所以都唔敢帶2歲孫仔來睇戲，驚嚇怕乖孫。」
凌文龍就自爆對配音存有陰影，因讀演藝學院時，試過接了兩次配音工作，由於超緊張而配得不好被領班鬧，所以今次獲邀音都有諗一諗，他笑說：「抱住邊度跌低，就喺邊度再跌低，今次都好大挑戰，角色能量好High，因為英語版配音係聲底好厚，我把聲唔夠厚，所以要扮聲，今次配咗兩日，冇畀人鬧好開心。」
應屆友誼小姐邢慧敏對於新一屆香港小姐競選亦有留意，對於其中一位貌似她的參賽者未能入圍大嘆可惜，笑言都想見見真人。卸任在即的她，慨嘆時間過得快，更勾起不少回憶。她又稱已跟無綫簽了經理人約，希望之後有機會拍劇，最想拍古裝劇，一嘗吊威吔滋味。問可否擔心身材高挑難找男拍檔？她笑說：「我可以坐喺度。」剛拍完《不可能任務2》的她，透露之後會與同屆港姐一起拍遊戲節目，對於季軍梁超怡率先跑出有劇拍，又主持綜藝節目，她可會羡慕？她認為大家發展方向不同。問到會否向高層自薦？她說：「都同公司講過想多方面發展，公司話等卸任先，要睇公司安排。」
林寶玉當晚偕同富二代前男友Chris一起現身，二人大方合照。有「最索經理人」稱號的她，透露近日正努力操弗，又不諱言操弗身體除了為健康，還為雪卵做準備，因不想在事業正忙時懷孕，所以要趁後生未雨綢繆，亦不怕雪卵會暴肥。笑問到會否向Chris 借精配種？她笑謂：「唔得，唔能夠要仔唔要公，個老公第時要幫手一齊湊仔。」
