《一舞傾城》收視不升反跌 蔡潔望與楊明親熱戲能挽回收視
香港文匯報訊（記者 梁靜儀）陳法蓉、蔡潔、陳星妤、莊思敏、莊思明、唐文龍、關楚耀及何浩文等，昨日出席劇集《一舞傾城》宣傳活動，眾人進行跳舞比拚，以何浩文跳得最投入。對於該劇次周收視微跌，陳法蓉表示不是演員可控制，蔡潔望與楊明親熱戲能挽回收視。
陳法蓉（Monica）對於該劇第二個星期收視微跌，最高收視僅得19.1，她表示作為演員，當然希望收視愈來愈高，知道該劇在內地收視不俗：「尤其係喺廣東省，收視已經超過一部好犀利嘅電視劇，同埋我好多朋友都話有追睇劇情。」對於被指劇情老土，Monica說：「我睇晒成個劇本，雖然比之前有好多改動，但都係反映夜總會背景及上世紀九十年代港風嘅嘢，包括古惑仔同姊妹情。本來幕後工作人員想劇情搞笑啲，不過有啲場口，包括我流產，都搞喊好多人。」
陳法蓉拒代答洪欣離婚風波
提到好姊妹洪欣月初才宣布與張丹峰離婚，月中旋即宣布二人「復合」，並開直播恩愛餵食騷，遭網民揶揄為錢扮恩愛。身為好友的Monica對此卻不欲多談，只說：「首先多謝大家關心洪欣，至於件事係點樣，佢已經好詳細講咗，我就冇需要補充。」
蔡潔在劇中與楊明的床上戲日前播出，她希望能挽回收視，又指有觀眾留言該場戲可以過30點收視。蔡潔笑指拍攝時大家都不想浪費彈藥，盡力一次過拍完，覺得自己表現恰如其分。問到拍攝當日楊明的女友莊思明是否在場監場？蔡潔說：「冇呀，我有邀請過佢過嚟，因為我哋私下都很friend，佢都很放心同信任大家，所以冇乜問題。（但思明說她有在場？）係咩？之後我有畀返Playback佢睇，我就唔知佢喺度，可能佢唔想畀壓力我哋。」對於收視微跌，蔡潔認為收視算是保持到，第二周的劇情開始緊張，反而第一周播出時有觀眾未適應，有些家長陪同小朋友收看就會覺得有點太激。陳星妤預告稍後劇情會遭人掌摑外，與關楚耀亦會有愛情動作戲。
莊思明對於男友楊明表示拍床上戲不用跟她講，思明就自爆當日男友拍床上戲也有監場，更即時睇了Playback，她笑說：「因為緊接住我要喺度拍第二場戲，所以佢拍嘅時候我都喺度，其實我去到已經拍完，蔡潔好搞笑好緊張同我講使唔使睇返Playback，咁我話好啦，同你一齊睇。」她又指男友入行以來拍得不算多床上戲，笑問是否想男友拍多些？思明笑說：「拍得多就濫，如果專拍呢啲就變『香港第一個男優』喇。（你唔介意佢向呢方面發展？）我介意，都係講吓笑，佢性格都唔會，太細膽，好容易膽怯，冇咁前衛。」
莊思敏於社交平台宣布將「鍶」字改回「思」字，她解釋：「『鍶』字用咗幾年，加上爸爸過世就有呢個諗法，因為我哋三姐妹都係用『思』字，覺得跟返屋企畀個名好啲、統一啲，（當初幫你改名個相士咪唔靈囉？）又唔好咁講。」
