三笘薰澄清 寫扭波論文只因易

香港仔 P15 2023-05-04

　　白禮頓前鋒三笘薰因扭波叻而人氣急升，早前更被爆出大學畢業論文亦與扭波有關，至今仍為人津津樂道。不過，該名25歲日本國腳日前受訪問時澄清，扭波叻同佢大學論文研究扭波無關，揀做論文主題只因容易做。

　　自論文一事後，不少球迷以此為討論話題，因此，三笘薰說：「我可以講，呢篇論文同我嘅比賽風格毫無關係。我揀咗呢個主題係因為扭波對我嚟講會容易寫，我只需要寫完就可以完成學位課程。其實只係集中寫日本，只是被傳媒誇大了，因此我要澄清。」從三笘薰的語氣，聽得出他對扭波的話題感到煩厭。無可否認，三笘薰是今季英超其中一位出色的球員，至今已為白禮頓和日本隊出場44次，攻入13球。據報其身價已升逾2,200萬英鎊，換言之其身價已聲價十倍。