港東港西/觀音今晚開庫 借定唔借？ 謹記要還！\鄭晴
「借定唔借？還得到先好借！」鄭晴並非講借錢，而是提醒各位善信，問觀音借庫，明年記住去還庫。
根據民間習俗，農曆正月廿六（明日）是觀音開庫日，大吉時由前夕（正月廿五，即今晚）11時開始至正日（明日）凌晨3時。由於借庫者眾，今年本港多間觀音廟都會通宵開放，善信可到廟外排隊等候。又提提大家，記得帶齊生果、壽金及拜觀音衣紙等祭祀物品，祈求新一年的財運順利與福德好運。
實體借庫回來了
2020年新冠疫情爆發，多間觀音廟取消通宵開放，甚至取消實體借庫，改為網上直播借庫；有些廟宇則搞搞新意，提供代客借庫，十分貼心。
今年復常，善信想借庫，還是親身去一趟好。
眾多廟宇當中，以紅磡觀音廟最旺，一來歷史悠久，二來坊間相傳夠靈驗。紅磡觀音廟今晚11時起「開庫」，通宵開放到明晚8時。人氣廟宇入場自然要排隊，善信可在旁邊的佛光街遊樂場輪候，現場會有警察叔叔指示。
鄭晴又同大家講下古，觀音借庫又稱觀音開庫，傳說五百羅漢化身和尚，向觀音化緣，考驗觀音的善心，最終觀音大開庫門，向和尚及善信派發齋菜，後來演變成民間傳統習俗，每年正月廿六，善信都會帶齊祭品入廟借庫，向觀音借福運。
