卓林普打不死 兩贏大師賽
「準神」變「戰神」！？外號「準神」的世界桌球排名第4球手卓林普，昨晨在倫敦桌球大師賽決賽一度被連贏3局反超前7:6下，卻展現難得的打不死精神，最終奮戰反勝10:8奪冠，歷來第4次贏出桌壇「三大賽」，兼成為史上第11位能贏出「三大賽」任何一項不止一次的神級球手行列。
現年33歲的卓林普，對上一次在「三大賽」稱霸是2019年，當年狀態大勇的他成為大師賽與世界賽雙冠王，而今次的第2次稱霸大師賽，則令他超越名將基夫斯與梅菲，並進賬25萬鎊冠軍獎金。賽後，卓林普興奮表示：「今次奪冠較2019年嗰陣更加特別，我聽過好多次，好多人話我已經唔得，而喺決賽能夠打敗好似馬克（威廉斯名字）嘅頂級球手真係好正。我希望可以好似馬克一樣，繼續喺大賽贏落去。」
至於錯過成為史上最年長「三大賽」冠軍球手的威廉斯，卻未有太過失望：「呢場係偉大比賽，球迷都係冇得彈。我打得好好，亦都盡晒力，我享受呢度每一分鐘，只係唔能夠衝線奪標。卓林普打得唔係最好都贏出，證明佢真係好勁。」
