李思林獻唱《明星》送給胞妹李玟
香港文匯報訊 李玟胞姐李思林、陳欣健女兒陳早怡及鄺文珣老公應德榮將於無綫綜藝歌唱真人騷《中年好聲音》最新一集登場。李思林選唱《明星》，並透露這是妹妹李玟最愛的一首歌：「CoCo（李玟）開演唱會永遠都會唱呢隻歌，因為佢從來冇見過爸爸，佢唱呢首歌就好似同爸爸講：『我?家喺台上表演喇。』」思林更特意改了部分歌詞，藉此向妹妹盡訴心中情，思林哽咽謂：「我哋細個好艱難，成日見唔到媽媽，因為佢要搵食養大三個小朋友。我哋遭人白眼時都會一齊望住啲星星，今次揀呢首歌，係想話畀佢（李玟）聽，我想做佢嘅星星。」
現年46歲的陳早怡則自封「高敏」人士，她接受製作組訪問時透露：「我個人好易唔開心、好自卑，覺得自己唔係好適合唱歌同幕前工作，屋企人都知我性格好敏感，都擔心我承受唔到負評，但係爸爸任何情況都只係同我講『I Love You』、『I Support You』，好多謝佢哋嘅關心。」早怡獻唱莫文蔚的《愛》，獲肥媽稱讚唱得有感情。52歲的應德榮則獻唱陳曉東的《這種年紀》，歌曲作曲者正是評審之一的伍仲衡。
