王君馨與4位Y2K同期歌手將同台參與大型舞蹈表演
香港文匯報訊（記者 子棠）王君馨、衛詩、鍾舒漫、黎美言和吳嘉禧（Cheronna）5位2000年出道的跳唱歌手互相欣賞，並將齊齊參與本月28日在西九文化區舉行的《FigureOUCH》本地大型戶外舞蹈表演活動，以推廣本地舞技、關心及尊重舞者，並藉以向Y2K（Year 2000的縮寫）年代致敬。
王君馨表示今次有機會同台表演非常難得：「以前都有機會跳舞，但可能揀歌都係公司決定，可以參與埋創作部分，以前真係少有，所以大家會睇到幾唔同嘅我哋。我很欣賞其餘四位藝人，特別是Cheronna，佢在Super Girls嗰陣我就識佢，覺得佢pretty hot。」Cheronna指她們出道的年代，整個制度與現在都有所不同：「嗰陣有演出嘅機會難度好高，今次難得有個咁大嘅舞台，難得還有好多熱愛跳舞的學生和老師同台，好感恩，成件事好青春。」鍾舒漫自爆對衛詩有私心，因為衛詩以跳舞形象出道：「嗰時我都未入行，我仲去買佢隻碟， 但係之後少咗跳舞，我好想佢可以享受跳舞。」衛詩表示當晚會好好享受，稱讚大家各有自己風格，對跳舞又充滿熱情。黎美言指雖然5個人的時間好難夾，但都做到手拖住手一起跳舞，相當難得；還坦言大家都已經是成熟女性，因此休息時間，會研究如何保護腰骨、拉筋及養生。
