待疫後經濟復甦創業 何嘉莉學演戲增值
香港文匯報訊（記者 林子棠）何嘉莉（Lillian）日前出席時裝品牌秋冬新品發布會，獲品牌老闆陳欽杰、陳徐巧嬌與陳栢熹（Harris）禮待；原來她更心思思、對創業蠢蠢欲動。Lillian笑說：「因為自己好鍾意fashion，有朋友建議我去做自己嘅時裝品牌，我自己都好想做，不過呢幾年嘅經濟真係好差，所以都未係一個好嘅時機，未來睇吓有咩機會，幫品牌做顧問都得㗎！其實同Harris時常都會傾吓時裝經，我好鍾意lifestyle嘅嘢，或者一齊設計吓家品，會想做啲特別嘅蠟燭生意，希望等經濟好啲就可以實行。」
Lillian最近還忙搬屋，同時也專注時尚工作與音樂發展，早前獲邀參加港台紀念已故歌手羅文逝世20周年的音樂節目的她說：「我依然好鍾意唱歌，近期好多新人我都好欣賞，尤其一啲男歌手，公司嘅ANSONBEAN跳舞好厲害，我上次演唱會之後都覺得自己跳舞OK，可以挑戰同佢跳舞㗎，而下個月都會出席一個慈善音樂會，到時會表演一兩首歌，可以籌款幫人真係好開心。」最近她更戲癮大發，獲公司安排戲劇訓練增值自己，為未來拍戲做準備。
