XiX及趙小婷獲「優秀表現獎」 任暟晴《聲夢傳奇2》奪冠
香港文匯報訊（記者 達里、梁靜儀）無綫歌唱真人騷《聲夢傳奇2》決賽昨晚假邵氏影城舉行，當晚嘉賓有無綫總經理（節目內容營運）曾志偉、無綫助理總經理（藝員管理及發展）樂易玲，還有炎明熹、姚焯菲及25位專業評審。最後五強學員為趙紫諾（Sabrina）、趙小婷（Pamela）、黃洛妍（Janees）、任暟晴（Jasmine）及組合XiX經過一輪比賽後，由任暟晴奪得冠軍──傳奇新星殊榮，並由無綫總經理曾志偉及炎明熹頒獎；亞軍及季軍得主分別是黃洛妍及趙紫諾，而「優秀表現獎」得主是組合XiX及趙小婷，此外特別增設的「超越進步獎」，分別由文佐匡及劉詠彤（Angle）奪得。
曾志偉回應吻賀事件
賽事分兩個回合進行，決賽五強學員需事先各自準備兩首不同風格歌曲，並於首個回合選唱其中一首。當完成第一回合比賽後，大會根據專業評審分數及觀眾投票選出兩強進入第二回合，兩強以剩下的另一首自選歌曲終極對壘，最終專業評審分數加上觀眾投票最高得分者，即成為《聲夢傳奇2》冠軍──傳奇新星。
曾志偉昨晚亦有到場為參賽者打氣，說到被拍到日前在馬來西亞模特兒黎峇菈生日會上，除生日歌外又和壽星女一齊吹蠟燭及吻賀對方。志偉表示早上就收到很多朋友電話，還以為有什麼大件事，他又稱本身不認識女方：「當晚其實係同朋友去試食魚子醬，剛巧有朋友帶對方一齊嚟，話係佢生日，問我可唔可以唱首生日歌，咁咪照做一齊唱生日歌，同埋只係禮貌上一個Birthday Kiss，自己唔覺得係一件大件事。他又說：「本身唔識個女仔，飯局唔係幫對方慶祝，成件事唔關自己事，都明白作為新聞人物冇辦法，自己都見慣咗，（可覺得對方發布條片借你做新聞？）平時同相熟朋友慶祝生日，都唔會公開甫啲相同片，可能對方都唔知發布咗之後個傷害性咁大，自己始終唔覺得係咩一件大件事，只是有時出席其他宴會，好多藝人都會被人邀請上台一齊唱首生日歌。」他又稱不會怪責女方，反而若任何人因條片受到影響就覺得不好意思。問到可知是誰拍片？他說：「有啲人係朋友帶來，人多我都唔知有人拍片。」
